भारताच्या विकासासाठी भारतीय भाषा का आवश्यक आहेत?

प्रिय भारतीयांनो, भारतीय जीवनातील अत्यंत महत्त्वाच्या क्षेत्रात इंग्रजी भाषेच्या हस्तक्षेपामुळे भारताचे मोठे नुकसान होत आहे. या हस्तक्षेपाचे सर्वात मोठे कारण म्हणजे काही भ्रम जे आपल्या मनात आणि हृदयात स्थिरावले आहेत.

 

भारतीय भाषांविषयी काही भ्रम पुढीलप्रमाणे

1. इंग्रजी ही विज्ञान, तंत्रज्ञान आणि उच्च ज्ञानाची भाषा आहे.
2. इंग्रजी ही आंतरराष्ट्रीय देवाणघेवाण आणि व्यवसायाची भाषा आहे.
3. भारतीय भाषांमध्ये उच्च ज्ञानाची भाषा होण्याची क्षमता नाही. परंतु वस्तुस्थिती दर्शविते की हे गृहितक केवळ भ्रम आहेत आणि त्याच्यासाठी कोणतेही शैक्षणिक किंवा व्यावहारिक पुरावे नाहीत.

 

 

या संदर्भात खालील तथ्ये विचारात घेण्यासारखी आहेत

• 2012 मध्ये, विज्ञानातील शालेय शिक्षणात अव्वल 50 देशांमध्ये, इंग्रजी शिक्षण असलेले देश – तिसऱ्या क्रमांकावर (सिंगापूर), दहाव्या क्रमांकावर (कॅनडा), चौदाव्या क्रमांकावर (आयर्लंड), अठराव्या क्रमांकावर (ऑस्ट्रेलिया), अठ्ठावीसाव्या क्रमांकावर (यूएसए) होते. या इंग्रजी भाषिक देशांमध्ये इंग्रजी तसेच इतर माध्यमिक भाषांमध्येही शिक्षण दिले जाते. 2003, 2006 आणि 2009 मध्ये असाच ट्रेंड दिसून आला.
• आशियातील पहिल्या पन्नास सर्वोत्कृष्ट विद्यापीठांमध्ये एकच असे विद्यापिठ आहे की जिथे इंग्रजी माध्यमात शिक्षण दिले जाते आणि या पन्नासमध्ये भारतातील एकही विद्यापीठ येत नाही.
• सतराव्या शतकात (जेव्हा काही भारतीयांना इंग्रजी येत असे) जगाच्या सकल उत्पादनात भारताचा वाटा २२ (बावीस) टक्के होता. 1950 मध्ये भारताचा जागतिक व्यापारातील वाटा 1.78 टक्के होता आणि तो आता केवळ 1.50 टक्के आहे. दरडोई निर्यातीत भारताचा जगात 150 वा क्रमांक लागतो.
• जगभरातील भाषा आणि शिक्षण तज्ज्ञांचे मत आणि अनुभव हेही दाखवतात की, केवळ मातृभाषेतूनच यशस्वीपणे शिक्षण दिले जाऊ शकते.

 

हे पण वाचा…..

• भाषा म्हणजे काय?
• मराठी भाषा माहिती

 

सध्याच्या काळात परदेशी भाषांचे ज्ञान आवश्यक आहे हे खरे आहे. पण इथेही अनुभव आणि संशोधन हे सिद्ध करते की, मातृभाषेतून शिक्षण घेतलेला आणि परदेशी भाषेचा विषय म्हणून अभ्यास करणारा विद्यार्थी सुरुवातीपासूनच परकीय भाषेच्या माध्यमात शिकलेल्या विद्यार्थ्यापेक्षा परदेशी भाषा अधिक चांगल्या प्रकारे शिकतो.

 

आपल्या मार्गातला सर्वात मोठा अडथळा म्हणजे भाषा आणि शिक्षणाबाबतच्या काही अंधश्रद्धा आणि लोकांचे डोळे उघडण्यासाठी या अंधश्रद्धा मोडून काढणे गरजेचे. काही अंधश्रद्धा पुढीलप्रमाणे

 1 – परदेशी भाषा शिकण्याचा एक चांगला मार्ग म्हणजे परदेशी भाषेतुन शिक्षण घेणे होय (खरंच, विषय म्हणून दुसर्‍या भाषेचा अभ्यास करणे अधिक प्रभावी आहे).

 2 –  जितक्या लवकर कोणी परदेशी भाषा शिकण्यास सुरवात करेल तितके चांगले.

3 – मातृभाषा ही परदेशी भाषा शिकण्यात अडथळा आहे.

या अंधश्रद्धा आहेत आणि सत्य नाही. म्हणून आताच्या नविन पिढीने याला बळी पडू  नये.

 

 

भाषेच्या बाबतीत काही तथ्ये देखील केली गेली आहेत त्यांचाही गांभिर्याने विचार करणे गरजेचे आहे

• आजच्या युगात भाषेच्या अस्तित्वासाठी आणि विकासासाठी त्या भाषेचा वापर शिक्षणाचे माध्यम म्हणून करणे आवश्यक आहे.
• इंग्रजी माध्यमामुळे अशी पिढी तयार होत आहे, जि स्वतःच्या भाषेवर किंवा इंग्रजीवर चांगले प्रभुत्व निर्माण तर करतच नाही व तिची संस्कृती, परंपरा, इतिहास आणि तिथल्या लोकांशी आत्मीयता निर्माण होत नाही.
• भारतीय संविधानाने प्रत्येक भारतीयाला त्याच्या मातृभाषेत शिक्षण आणि सेवा मिळण्याचा अधिकार दिला आहे.
• अलीकडे, इंग्लंडमध्ये असे वृत्त आले आहे की युरोपियन बँका इंग्लंडमधील लोकांना इंग्रजीशिवाय दुसरी भाषा येत नसल्यामुळे नोकऱ्या देत नाहीत आणि इतर कोणतीही भाषा येत नसल्यामुळे इंग्लंडला व्यापारात 48 अब्ज पौंडांचे नुकसान होत आहे.

 

वरील तथ्यांच्या आधारे, आम्ही भारतीय जनतेला विनंती करतो की, सध्याच्या भाषिक परिस्थितीचा सखोल विचार करावा जेणेकरून योग्य आणि वैज्ञानिक भाषा धोरण आचरणात आणता येईल. आधीच खूप उशीर झाला असून खुप मोठे नुकसान झाले आहे. सध्याचे वर्तन असेच चालू राहिले तर भारतासाठी मोठा अनर्थ निश्चित आहे. धन्यवाद !!